Nordic Kitchen hnífarnir frá Eva Solo byggja á 2000 ára gamalli japanskri hnífahefð.
Hnífarnir eru gerðir af færum hnífagerðarmönnum sem hafa lagt 66 lög af damaskusstáli utan um grunnlagið og útkoman er þessi vandaði og fallegi 67 laga hnífur. Þessi aðferð, að bæta lögum af stáli utan á hvort annað, er talin eiga uppruna sinn við gerð Samurai sverða áður fyrr. Útkoman er beittara og harðara hnífsblað - hnífur með framúrskarandi jafnvægi í höndinni.

Handfangið er gert úr Pakkawood við, sem er sambland af við og plastefni sem gefur framúrskarandi endingu og grip.

Þessi hnífur er Santoku hnífurinn í seríunni. Santoku hnífar má greina frá rifflunum í hnífsblaðinu, en tilgangurinn með þeim er að það myndist loft á milli hnífsblaðsins og hráefnisins þegar verið er að skera hráefnið. Með þeim hætti, þá loðir það síður við blaðið og auðveldara verður fyrir kokkinn að sneiða það.

Blaðið er 18 cm langt.